మనసే మందిరము నీకు గోవిందా స్వాగతం

మనసే మందిరము నీకు

మనసే మందిరము నీకు
గోవిందా స్వాగతం
ఎదురు చూచి కాచె కనులు
గోవిందా స్వాగతం

మనసే మందిరము నీకు
గోవిందా స్వాగతం
ఎదురు చూచి కాచె  కనులు
గోవిందా స్వాగతం

నీదరికి చేరగా బలము నాకు లేదురా
నీదరికి చేరగా బలము నాకు లేదురా
దేహబలము లేదురా అర్ధబలము లేదురా
దేహబలము లేదురా అర్ధబలము లేదురా

ఉన్నదొక్కటే నీపై మమత
ఉన్నదొక్కటే నీపై మమత

ప్రేమ పూల పాన్పు చేసి పరచితి మనసంతా
వచ్చేవనీ .. విశ్రమించేవనీ
వచ్చేవనీ .. విశ్రమించేవనీ
వింజామర చేబూని ఉన్నానురా

మనసే మందిరము నీకు
గోవిందా స్వాగతం
ఎదురు చూచి కాచె  కనులు
గోవిందా స్వాగతం

ఏడుకొండలపైన ఎన్నాళ్ళుగ నిలిచావో
ఏడుకొండలపైన ఎన్నాళ్ళుగ నిలిచావో
పదములే నొచ్చెనో అలసటెంత కలిగెనో
పదములే నొచ్చెనో అలసటెంత కలిగెనో

సేదతీరగా సేవ చేతురా
సేదతీరగా సేవ చేతురా
భక్తి  లేపనము గైకొని అలదగ నీకు

ఎద పొంగెరా .. క్షణము యుగమాయెరా
ఎద పొంగెరా .. క్షణము యుగమాయెరా
ఏదారిని  వచ్చేవో  సెలవీయరా

మనసే మందిరము నీకు
గోవిందా స్వాగతం
ఎదురు చూచి కాచె  కనులు
గోవిందా స్వాగతం

ఏ పాట పాడమని నీవు నన్ను కోరేవో
ఏ పాట పాడమని నీవు నన్ను కోరేవో
సాహితే మరతునో స్వరమునే  మరతునో

మరుపురానిదీ  అనురాగమే
మరుపురానిదీ  అనురాగమే
పొంగి పొరలె రాగమై నీకోసమే

నే పాడగా కొసరి వింటావనీ
నే పాడగా కొసరి వింటావనీ
హృదయవీణ శ్రుతి చేసి వేచానురా

మనసే మందిరము నీకు
గోవిందా స్వాగతం
ఎదురు చూచి కాచె కనులు
గోవిందా స్వాగతం

మనసే మందిరము నీకు
గోవిందా స్వాగతం
ఎదురు చూచి కాచె కనులు
గోవిందా స్వాగతం

 రచన,సంగీతం,గానం 
పద్మశ్రీ.Dr.శోభారాజు