శుభకరుడు సురుచిరుడు భవహరుడు

శుభకరుడు సురుచిరుడు 

అల్లా ఆ ఆ ఆ... శ్రీరామా ఆ .....

శుభకరుడు సురుచిరుడు
భవహరుడు భగవంతుడెవడూ
కళ్యాణ గుణగణుడు
కరుణా ఘనాఘనుడు ఎవడూ

అల్లా తత్వమున అల్లారుముద్దుగా
అలరారు అందాల చంద్రుడెవడూ
ఆనందనందనుడు అమృతరసచందనుడు
రామచంద్రుడుకాక ఇంకెవ్వడూ

తాగరా శ్రీరామ నామామృతం
ఆ నామమే దాటించు భవసాగరం
తాగరా శ్రీరామ నామామృతం
ఆ నామమే దాటించు భవసాగరం

ఏ మూర్తి మూడుమూర్తులుగ వెలసిన మూర్తి
ఏ మూర్తి ముజ్జగంబుల మూలమౌమూర్తి
ఏ మూర్తి శక్తిచైతన్య మూర్తీ
ఏ మూర్తి నిఖిలాండ నిత్యసత్యస్పూర్తి

ఏ మూర్తి నిర్వాణ నిజధర్మసమవర్తి
ఏ మూర్తి జగదేక చక్రవర్తీ

ఏ మూర్తి ఘనమూర్తి ఏ మూర్తి గుణకీర్తి
ఏ మూర్తి అడగించు జన్మజన్మల ఆర్తి

ఆ మూర్తి ఏ మూర్తి యునుగాని రసమూర్తి
ఆ మూర్తి శ్రీరామ చంద్రమూర్తీ

తాగరా .. తాగరా శ్రీరామ నామామృతం
ఆ నామమే దాటించు భవసాగరం

పా పా ప మపనీప మపనీప మపసనిప
మా పా మా ..  శ్రీ రా మా
పా పా ప మపనీని పనిసాస నిరిసనిప
మా పా ని మ ప మ - కోదండ రామా
మపనిసరిసాని పానీపామా .. సీతారామా
మపనిసరిసారి సరిమరిస నిపమా .. ఆనందరామా

మా మా రిమరిమరి సరిమా
రా మా జయరామా
సరిమా .. రామా
సపమా .. రామా
పా......వన నామా

ఏ వేల్పు ఎల్లవేల్పులును గొల్చెడి వేల్పు
ఏ వేల్పు ఏడేడులోకాలకే వేల్పు
ఏ వేల్పు నిట్టూర్పు ఇలను నిల్పూ
ఏ వేల్పు నిఖిల కళ్యాణముల కలగల్పు

ఏ వేల్పు నిగమనిగమాలన్నిటిని తెల్పు
ఏ వేల్పు నింగి నేలలను గల్పూ
ఏ వేల్పు ద్యుతి గొల్పు

ఏ వేల్పు మరుగొల్పు
ఏ వేల్పు దేమల్పు లేని గెలుపూ
ఏ వేల్పు సీతమ్మ వలపుతలపులనేల్పు
ఆ వేల్పు దాసానుదాసులకు కైమోడ్పు

తాగరా... ఆ.. ఆ..
తాగరా శ్రీరామ నామామృతం
ఆ నామమే దాటించు భవసాగరం 

చిత్రం - శ్రీరామదాసు (2006)