ఏమని పొగడుదుమే యికనిను

ఏమని పొగడుదుమే యికనిను

ఏమని పొగడుదుమే యికనిను
ఆమని సొబగుల అలమేల్మంగా

ఏమని పొగడుదుమే యికనిను
ఆమని సొబగుల అలమేల్మంగా

తెలికన్నుల నీ తేటలే కదవే
వెలయగ విభునికి వెన్నెలలు
పులకల మొలకల పొదులివి గదవే
పలుమరు బువ్వుల పానుపులు

ఏమని పొగడుదుమే యికనిను
ఆమని సొబగుల అలమేల్మంగా 

ఏమని పొగడుదుమే

తియ్యపు నీమోవి తేనెలే కదవే
వియ్యపు రమణుని విందులివీ 
ముయ్యక మూసిన మొలక నవ్వు గదె
నెయ్యపు గప్పురపు నెరి బాగాలు

ఏమని పొగడుదుమే యికనిను
ఆమని సొబగుల అలమేల్మంగా 

ఏమని పొగడుదుమే
కైవసమగు నీ కౌగిలే కదవే
శ్రీవేంకటేశ్వరుని సిరి నగరు
తావు కొన్న మీ తమకములే కదే
కావించిన కల్యాణములు

ఏమని పొగడుదుమే యికనిను
ఆమని సొబగుల అలమేల్మంగా 

ఏమని పొగడుదుమే