తోటకాష్టకం

శ్రీ ఆది శంకరాచార్యుని శిష్యులలో ఒకరైన ఆనందగిరి (తోటకాచార్యులు) 
ఆది శంకరుల నుద్దేశించి చెప్పిన అష్టకం. 

తోటకాష్టకం

విదితాఖిల శాస్త్ర సుధా జలధే
మహితోపనిషత్ కథితార్థనిధే
హృదయే కలయే విమలం చరణం
భవ శంకర దేశిక మే శరణమ్

కరుణావరుణాలయ పాలయ మాం
భవసాగర దుఃఖ విదూనహృదమ్
రచయాఖిల దర్శన తత్త్వవిదం
భవ శంకర దేశిక మే శరణమ్

భవతా జనతా సుహితా భవితా
నిజబోధ విచారణ చారుమతే
కలయేశ్వర జీవవివేకవిదం
భవ శంకర దేశిక మే శరణమ్

భవ ఏవ భవానితి మే నితరాం
సమజాయత చేతసి కౌతుకితా
మమ వారయ మోహ మహాజలధిం
భవ శంకర దేశిక మే శరణం

సుకృతే ధికృతే బహుధా భవతో
భవితా సమదర్శన లాలసతా
అతిదీనమిమం పరిపాలయ మాం
భవ శంకర దేశిక మే శరణమ్

జగతీ మవితుం కలితా కృతయో
విచరంతి మహామహ సశ్ఛలతః
అహిమాంశురివాత్ర విభాసి గురో
భవ శంకర దేశిక మే శరణమ్

గురుపుంగవ పుంగవకేతన తే
సమతామయతాం నహి కోపి సుధీః
శరణాగత వత్సల తత్త్వనిధే
భవ శంకర దేశిక మే శరణమ్

విదితా న మయా విశదైకకలా
న చ కించన కాంచనమస్తి గురో
ద్రుతమేవ విధేహి కృపాం సహజాం
భవ శంకర దేశిక మే శరణమ్