ఇందరికీ అభయంబులిచ్చు చేయి

ఇందరికీ అభయంబులిచ్చు చేయి

ఇందరికీ అభయంబులిచ్చు చేయి
కందువగు మంచి బంగారు చేయి
ఇందరికీ అభయంబులిచ్చు చేయి
కందువగు మంచి బంగారు చేయి

వెలలేని వేదములు వెదకి తెచ్చిన చేయి
చిలుకు గుబ్బలి కింద చేర్చు చేయి
కలికియగు భూకాంత కౌగలించిన చేయి
వలనైన కొనగోళ్ళ వాడి చేయి

ఇందరికీ అభయంబులిచ్చు చేయి
కందువగు మంచి బంగారు చేయి
ఇందరికీ అభయంబులిచ్చు చేయి

తనివోక బలి చేత దానమడిగిన చేయి
ఒనరంగ భూదాన మొసగు చేయి
మొనసి జలనిధి యమ్ముమొనకు దెచ్చిన చేయి
ఎనయ నాగేలు ధరియించు చేయి

ఇందరికీ అభయంబులిచ్చు చేయి
కందువగు మంచి బంగారు చేయి
ఇందరికీ అభయంబులిచ్చు చేయి

పురసతుల మానములు పొల్లసేసిన చేయి
తురగంబు బరపెడి దొడ్డ చేయి
తిరువేంకటాచలా ధీశుడై మోక్షంబు
తెరువు ప్రాణుల కెల్ల తెలిపెడి చేయి

ఇందరికీ అభయంబులిచ్చు చేయి
కందువగు మంచి బంగారు చేయి
ఇందరికీ అభయంబులిచ్చు చేయి