ముకుందా ముకుందా కృష్ణా

ముకుందా ముకుందా కృష్ణా 

ముకుందా ముకుందా కృష్ణా ముకుందా ముకుందా
స్వరంలో తరంగా బృందావనంలో వరంగా
ముకుందా ముకుందా కృష్ణా ముకుందా ముకుందా
స్వరంలో తరంగా బృందావనంలో వరంగా

వెన్నదొంగవై నువ్వు మన్నుతింటివా
కన్నెగుండె ప్రేమ లయలా మృదంగానివా
ముకుందా ముకుందా కృష్ణా ముకుందా ముకుందా
స్వరంలో తరంగా బృందావనంలో వరంగా

జీవకోటి నీచేతి తోలుబొమ్మలే
నిన్ను తలచి ఆటలాడే కీలుబొమ్మలే
ముకుందా ముకుందా కృష్ణా ముకుందా ముకుందా
స్వరంలో తరంగా బృందావనంలో వరంగా

జైజైరాం ..  జైజైరాం .. జైజైరాం
జైజైరాం .. సీతారాం ..జైజైరాం .. జైజైరాం .. జైజైరాం

నీలాల నింగికింద తేలియాడు భూమి
తనలోనే చూపించాడు ఈ కృష్ణ స్వామి
పడగవిప్పి మడుగునలేచే సర్పశీర్షమే ఎక్కి
నాట్యమాడి కాళీయుని దర్పమణిచాడు

నీ ధ్యానం చేయువేళ విఙ్ఞానమేగా 
 అఙ్ఞానం రూపుమాపే కృష్ణ తత్వమేదో
అట అర్జునుడొందెను నీ దయవల్ల గీతోపదేశం
జగతికి సైతం ప్రాణం పోసే మంత్రోపదేశం

వేదాల సారమంతా వాసుదేవుడే
రేపల్లె రాగం తాళం రాజీవమే

ముకుందా ముకుందా కృష్ణా ముకుందా ముకుందా
స్వరంలో తరంగా బృందావనంలో వరంగా

మత్స్యమల్లే నీటిని తేలి వేదములను కాచి
కూర్మరూపధారివి  నీవై భువినిమోసినావే
వామనుడై పాదమునెత్తి నింగికొలిచినావే
నరసింహుని అంశే నీవై హిరణ్యున్ని చీల్చావూ

రావణుని తలలను కూల్చి రాముడివై నిలిచావు
కృష్ణుడల్లే వేణువూది ప్రేమను పంచావు

ఇక నీ అవతారాలెన్నున్నా ఆధారం నేనై
నీ ఒరవడి పట్టా ముడిపడి ఉంటా ఏదేమైనా నేనే

మదిలోని ప్రేమ నీదే మాధవుడా
మందార పువ్వే నేను మనువాడరా

ముకుందా..ముకుందా...కృష్ణా..ముకుందా..ముకుందా
స్వరంలో తరంగా బృందావనంలో వరంగా