శ్రీ తులసీ స్తోత్రం

శ్రీ తులసీ స్తోత్రం

జగద్ధాత్రి నమస్తుభ్యం విష్ణోశ్చ ప్రియవల్లభే
యతోబ్రహ్మాదయో దేవః సృష్టిస్థిత్యంతకారిణి
నమస్తులసి కళ్యాణి నమో విష్ణుప్రియే శుభే
నమో మోక్షప్రదేదేవి నమః సంపత్ర్పదాయికే

తులసీపాతు మాంనిత్యం సర్వాపర్ధ్యోపి సర్వదా
కీర్తితా వాపి స్మితా వాపి పవిత్ర యతి మానవం
నమామి శిరసాదేవీం  తులసీం విలసత్తనూం
యాందృష్ట్వాపాపినో మర్త్యాః ముచ్యంతే సర్వకిల్బిషాత్

తులస్యారక్షితం సర్వం జగదేతచ్చరాచరం
యావినర్హంతి పాపాని దృష్ట్వావా పాపిభిర్నరైః
నమస్తులస్యతి తరాం యస్యై బద్వాంజలింకలౌ
కలయంతి సుఖం సర్వం స్త్రియో వైశ్యాస్థధాపరే

తులస్యానాపరం కించిద్దైవతం జగతీతలే
యయా పవిత్రితో  లోకో విష్ణుసంగేన వైష్ణవః
తులస్యాః పల్లవం విష్ణోః శిరస్యారోపితం కలౌ
ఆరోపయతి సర్వాణి శ్రేయాంసి వరమస్తకే

తులస్యాం సకలాదేవా వసంతి సతతం యతః
అతస్తా మర్చయేల్లోకే  సర్వాందేవాన్స మర్చయన్
నమస్తులసి సర్వజ్ఞే పురుషోత్తమ వల్లభే
పాహిమాం సర్వపాపేభ్యః సర్వసంపత్ర్పదాయికే

ఇతి స్తోత్రం పురాగీతం పుండరీకేణధీమతా
విష్ణు మర్చయతా నిత్యం శోభనైస్తులసీదళైః
తులసీ శ్రీ మహాలక్ష్మీర్విద్యా విద్యాయశస్వినీ
ధర్మాధర్మాననా దేవీ  దేవ మనః ప్రియా

లక్ష్మీ ప్రియసఖీదేవి ద్యౌర్భూమి రచలాచలా
షోడశైతాని నామాని తులస్యాః కీర్తయేన్నరః
లభతే సుతరాం భక్తిమంతే విష్ణుపదం లభేత్
తులసీ భూర్మహాలక్ష్మీః పద్మినీ శ్రీ హరిప్రియా

తులసీ శ్రీ సఖి శుభే పాపహారిణి పుణ్యదే
నమస్తే నారదనుతే నారాయణ మనః ప్రియే

ఇతి శ్రీ పుండరీకకృతం తులసీ స్తోత్రం సంపూర్ణం

తులసి ప్రదక్షిణ స్తోత్రం

యన్మూలే సర్వ తీర్ధాని
యన్మధ్యే సర్వదేవతా
యదగ్రే సర్వవేదాశ్చ
తులసీం త్వాం నమామ్యహం