అష్టమి - జై మహాగౌరీ జగదంబా

ఈమె ధరించే వస్త్రాలు, ఆభరణాలు తెల్లని కాంతులతో మెరుస్తుంటాయి. ఈమె వృషభ వాహనంపై ఉంటుంది. చతుర్భుజి. కుడిచేతుల్లో అభయముద్రను,  త్రిశూలాన్ని ధరిస్తుంది. ఎడమచేతుల్లో  ఢమరుకాన్ని, వరముద్రనూ కలిగిఉంటుంది. శివుడిని పరిణయమాడాలని కఠోరంగా తపస్సు చేసినందువల్ల ఈమె శరీరం నల్లగా అయిపోయింది.శివుడు ప్రసన్నుడై అమ్మ శరీరాన్ని గంగాజలంతో పరిశుద్దంచేశాడు. ఆ కారణంగా మాత శ్వేతవర్ణశోభిత అయింది. మహాగౌరిగా విలసిల్లింది. 

ఈ మాతను ఉపాసిస్తే కల్మషాలన్నీ పోతాయి. సంచితపాపం నశిస్తుంది. భవిష్యత్తులో పాపాలు, ధైన్యాలు దరిచేరవు. ఈ తల్లిని ధ్యానించి, స్మరించి, పూజించి ఆరాధించినట్లయితే సర్వశుభాలు కలుగుతాయి. నైవేద్యంగా చక్కెర పొంగలి (గుడాన్నం) సమర్పించాలి.

 శ్వేతేవృషే సమారూఢా శ్వేతాంబరధరాశుచిః
మహాగౌరిశుభం దద్వాత్‌ మహాదేవ ప్రమోధరా
జై మహాగౌరీ జగదంబా