శ్రీ కనకదుర్గా అమ్మవారి శరన్నవరాత్రి ఉత్సవాలు - 2015

 

మహిళలకు మంగళకరమైనదీ, శుభదాయకమైనది, ముతైదువులందరూ తొమ్మిది రోజులు సంతోషంగా, సందడిగా జరుపుకొనే ఈ దసరా పండుగ మన భారతీయ సంస్కృతి, సంప్రదాయాలకు ప్రతిబింబించే పర్వదినాలు ఈ నవరాత్రులు. ఇక ఈ పండుగలో ప్రత్యేకత ఏమిటంటే మహిళలు తెల్లారే లేచి ఇళ్ళు వాకిళ్ళు కడిగి ముగ్గులు పెట్టుకొని మంగళతోరణాలతో మంగళప్రదంగా అలంకరించి గడపకు పసుపురాసి కుంకుమ బొట్లుపెట్టి మన సంప్రదాయాలకు అనుగుణంగా స్నానపానాదులు చేసి భ్యాగ్యదాయినీ, సౌభాగ్యప్రదాయిని అయిన ఆ దేవిని ఒక్కోరోజు ఒక్కోక్క దేవిని కొలిచి మీకు తెలిసిన ముతైదువులను పేరంటానికి పిలిచి కాళ్ళకు పసుపు రాసి కుంకుమ పెట్టి తాంబూలాలతో వారిని సంతుస్టులను చేసి ఆ తల్లి ఆశీస్సులు పొందాలి. ఆ తల్లిని ప్రసన్నురాలిని చేసుకొని సకల సౌభాగ్యలు అష్ట ఐశ్వర్యాలు కావాలని కోరుకొని వచ్చిన పేరంటాలు అమ్మవారి మీద పాటలు పాడి హారతులు ఇచ్చి అక్షింతలు వేసి పూజించాలి.

శరన్నవరాత్రి ఉత్సవాలలో కార్యక్రమ వివరములు

మొదటి రోజుఆశ్వియుజ శుద్ద పాడ్యమి నాడు తెల్లవారుఝామున గం. 2.30 ని!!లకు స్నపనాభిషేకం, అనంతరం భక్తులకు ఉ!! గం 9.00 లకు దర్శనం ప్రారంభం అగును, అనంతరం అమ్మవారి విగ్రహం భవానీదీక్షా మంటపమునకు ఊరేగింపుగా తీసుకు వెళ్ళబడును.ఉదయం 9.30 ని!!లకు గణపతి పూజ, పుణ్యాహావాచకం, అఖండజ్యోతి, మంటప కలశస్ధాపన, అనంతరం ప్రత్యేక కుంకుమార్చన గం 10.00 లకు ప్రారంభం అగును మరియు యాగశాలలో చండీయాగం ప్రారంభం అగును.రెండోరోజు ఆశ్వియుజ శుద్ద విదియ నుండి ఆశ్వియుజ శుద్ద దశమి వరకు, భవానీ మండపంలో రెండు బ్యాచ్ లుగా ఉ!! గం. 7.00 నుండి గం. 9.00 లకు మరియు గం. 10.00 ల నుండి 12.00 ల వరకు ఉభయదాతలతో ప్రత్యేక కుంకుమార్చన జరుగును, మొదటి రోజు నుండి చివరి రోజువరకు యాగశాలలో 10 మంది ఋత్విక్కులచేత ఉభయదాతలతో చండీయాగం, రుద్రయాగం, శ్రీ మల్లేశ్వరస్వామి వారి ఆలయంలో అభిషేకం నిర్వహించబడును. ఆశ్వియుజ శుద్ద విదియ నుండి ఆశ్వియుజ శుద్ద దశమి వరకు ప్రతిరోజు ఉ.గం. 10.00 లకు రాజభోగ నివేదనలు జరుగును, మరియు సాయంత్రం గం. 7.00 ల నుండి గం. 8.00 వరకు మహానివేదన పంచహారతుల, చతుర్వేద స్వస్తి జరుగును. ఆశ్వియుజ శుద్ద షష్ఠి నాడు న సాయంత్రం గం. 5.00 లకు అర్చక మహాసభ భవానీ దీక్ష మండపం నందు జరుగును. మూలానక్షత్రం సందర్భమున గం. 4.౦౦ ల నుండి గం. 5.౦౦ ల మధ్య ప్రభుత్వం తరుపున శ్రీ ముఖ్యమంత్రివర్యులచే శ్రీ అమ్మవార్కి పట్టువస్త్ర సమర్పణ. ఆశ్వియుజ శుద్ద అష్టమి న సాయంత్రం గం. 5.00 లకు వేద విద్వత్సభ భవానీ దీక్ష మండపం నందు జరుగును. ఆశ్వియుజ శుద్ద దశమి న ఉ!! గం. 12.00 లకు పూర్ణాహుతి, కలశజ్యోద్వాసన, సాయంత్రం గం. 4.00 లకు తెప్పోత్సవం ఊరేగింపు శివాలయం నుండి ప్రారంభం. రాత్రి గం!! 7.00 లకు నటరాజస్వామి వారి దేవాలయం వద్ద శమీపూజ జరుగును.

	వారము	తిది	శ్రీ అమ్మవారి దివ్య అలంకరములు
13-10-2015	మంగళవారము	ఆశ్వయుజ శుద్ధ పాడ్యమి	శ్రీ స్వర్ణకవచ దుర్గాదుర్గాదేవి
14-10-2015	బుధవారము	ఆశ్వయుజ శుద్ధ పాడ్యమి(మిగులు)	శ్రీ బాలా త్రిపుర సుందరీ దేవి
15-10-2015	గురువారము	ఆశ్వయుజ శుద్ధ విదియ	శ్రీ గాయత్రి దేవి
16-10-2015	శుక్రవారము	ఆశ్వయుజ శుద్ధ తదియ	శ్రీ మహాలక్ష్మిదేవి
17-10-2015	శనివారము	ఆశ్వయుజ శుద్ధ చవితి	శ్రీ అన్నపూర్ణా దేవి
18-10-2015	ఆదివారము	ఆశ్వయుజ శుద్ధ పంచమి	శ్రీ లలిత త్రిపుర సుందరి దేవి
19-10-2015	సోమవారము	ఆశ్వయుజ శుద్ధ షష్ఠి	శ్రీ సరస్వతీ దేవి(మూలానక్షత్రం)
20-10-2015	మంగళవారము	ఆశ్వయుజ శుద్ధ సప్తమి	శ్రీ దుర్గా దేవి
21-10-2015	బుధవారము	ఆశ్వయుజ శుద్ధ అష్టమి	శ్రీ మహిషాసురమర్ధినీ దేవి