చక్కని తల్లికి చాంగుభళా ..

చక్కని తల్లికి చాంగుభళా
తన చక్కెర మోవికి చాంగుభళా
చక్కని తల్లికి చాంగుభళా
తన చక్కెర మోవికి చాంగుభళా
చాంగుభళా .. చాంగుభళా

కులికెడి మురిపెపు కుమ్మరింపు తన
సళుపు జూపులకు చాంగుభళా
పలుకుల సొలపుల బతితో గసరెడి
చలముల యలుకకు చాంగుభళా

చక్కని తల్లికి చాంగుభళా
తన చక్కెర మోవికి చాంగుభళా
చక్కని తల్లికి చాంగుభళా
చాంగుభళా .. చాంగుభళా

కిన్నెరతో పతి కెలన నిలుచు తన
చన్ను మెఱుగులకు చాంగుభళా
ఉన్నతి బతిపై నొరగి నిలుచు తన
సన్నపు నడిమికి చాంగుభళా

చక్కని తల్లికి చాంగుభళా
తన చక్కెర మోవికి చాంగుభళా
చక్కని తల్లికి చాంగుభళా
చాంగుభళా .. చాంగుభళా

జందెపు ముత్యపు సరులహారముల
చందన గంధికి చాంగుభళా 
విందయి వెంకట విభుబెనచిన తన
సంది దండలకు చాంగుభళా

చక్కని తల్లికి చాంగుభళా
తన చక్కెర మోవికి చాంగుభళా
చక్కని తల్లికి చాంగుభళా
చాంగుభళా .. చాంగుభళా