కనకధారా స్తోత్రం

కనకధారా స్తోత్రం

అంగం హరేః పులక భూషణ మాశ్రయంతీ
బృంగాంగనేవ ముకుళాభరణం తమాలమ్ |
అంగీకృతాఖిల విభూతి రపాంగలీలా
మాంగల్యదాస్తు మమ మంగళ దేవతాయాః || 1 ||

ముగ్దా ముహుర్విదధతీ వదనే మురారేః
ప్రేమత్రపా ప్రణిహితాని గతాగతాని |
మాలాదృశో ర్మధుకరీవ మహోత్పలేయా
సామే శ్రియం దిశతు సాగర సంభావాయాః || 2 ||

ఆమీలితాక్ష మధిగ్యమ ముదా ముకుంద
మానంద కంద మనిషేష మనంగ నేత్రమ్ |
అకేకర స్థిత కనీనిక పద్మనేత్రం
భూత్యై భవన్మమ భుజంగ శయాంగనా యాః || 3 ||

బాహ్వంతరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతో‌உపి కటాక్షమాలా
కళ్యాణ మావహతు మే కమలాలయాయాః || 4 ||

కాలాంబుదాళి లలితోరసి కైటభారేః
దారాధరే స్ఫురతి యా తటిదంగ నేవ |
మాతస్సమస్త జగతాం మహనీయమూర్తిః
భద్రాణి మే దిశతు భార్గవ నందనాయాః || 5 ||

 ప్రాప్తం పదం ప్రథమతః ఖలు యత్ప్రభావాత్
మాంగల్య భాజి మధుమాథిని మన్మథేన |
మయ్యపతే త్తదిహ మంథర మీక్షణార్థం
మందాలసం చ మకరాలయ కన్యకాయాః || 6 ||

విశ్వామరేంద్ర పద విభ్రమ దానదక్షం 
మానంద హేతు రధికం మురవిద్విషోపి |
ఈషన్నిషీదతు మయి క్షణ మీక్షణార్థం
ఇందీవరోదర సహోదర మిందియాయాః || 7 ||

  

ఇష్టా విశిష్ట మతయోపి యయా దయార్ద్రదృష్ట్యా
 త్రివిష్ట పపదం సులభం లభంతే |
దృష్టిః ప్రహృష్ట కమలోదర దీప్తి రిష్టాం
పుష్టి కృషీష్ట మమ పుష్కర విష్టరాయాః || 8 ||

దద్యాద్దయాను పవనో ద్రవిణాంబు ధారా
మస్మిన్న కించన విహంగ శిశౌ విషణ్ణే |
దుష్మర్మ ఘర్మ మపనీయ చిరాయ దూరం
నారాయణ ప్రణయినీ నయనాంబు వాహః || 9 ||

గీర్ధవ తేతి గరుడద్వజ సుందరీతి
శాకంభరీతి శశశేఖర వల్లభేతి |
సృష్టి స్థితి ప్రళయ కేళిషు సంస్థితాయై
తస్యై నమ స్త్రిభువనైక గురో స్తరుణ్యై || 10 ||

శ్రుత్యై నమో‌స్తు శుభకర్మ ఫలప్రశూత్యే
రత్యై నమో‌స్తు రమణీయ గుణార్ణవాయై |
శక్త్యై నమో‌స్తు శతపత్ర నికేతనాయై  

పుష్ట్యై నమో‌స్తు పురుషోత్తమ వల్లభాయై || 11 ||

నమో‌స్తు నాళీక నిభాననాయై
నమో‌స్తు దుగ్దోదధి జన్మభూమ్యై |
నమో‌స్తు సోమామృత సోదరాయై
నమో‌స్తు నారాయణ వల్లభాయై || 12 ||

నమో‌స్తు హేమాంబుజ పీఠికాయై
నమో‌స్తు భూమండల నాయికాయై |
నమో‌స్తు దేవాది దయా పరాయై
నమో‌స్తు శార్ జ్ఞాయుధ వల్లభాయై || 13 ||

నమోస్తు దేవ్యై  భృగు నందనాయై 

నమోస్తు విష్ణో రుర సిస్థితాయై |

నమోస్తు లక్ష్మై కమలాలయాయై 

నమోస్తు దామోదర వల్లభాయై || 14 ||

 నమో‌స్తు కాన్యై కమలేక్షణాయై
నమో‌స్తు భూత్యై భువన ప్రసూత్యై |
నమో‌స్తు దేవాదిభి రర్చితాయై
నమో‌స్తు నందాత్మజ వల్లభాయై || 15 ||

సంపత్కరాణి సకలేంద్రియ నందనాని
సామ్రాజ్య దాన నిరతాని సరోరుహాక్షి |
త్వద్వందనాని దురితాహరణోద్యతాని
మామేవ మాతరనిశం కలయంతు మాన్యే || 16 ||

యత్కటాక్ష సముపాసనా విధిః
సేవకస్య సకలర్థ సంపదః |
సంతనోతి వచనాంగ మానసైః
త్వాం మురారి హృదయేశ్వరీం భజే || 17 ||

సరసిజనిలయే సరోజహస్తే
దవళ తమాంశుక గంధమాల్య శోభే |
భగవతి హరివల్లభే మనోఙ్ఞే
త్రిభువన భూతికరీ ప్రసీద మహ్యమ్ || 18 ||

దిగ్ఘస్తభిః కనక కుంభముఖావ సృష్ట స్వర్వాహినీ
 విమలచారు జల ప్లుతాంగీమ్ |
ప్రాతర్నమామి జగతాం జననీ
మశేష లోకధినాథ గృహిణీ మమృతాబ్ది పుత్రీమ్ || 19 ||

కమలే కమలాక్ష వల్లభే త్వం
కరుణాపూర తరంగితై రపాంగైః |
అవలోకయ మా మకించనానం
ప్రథమం పాత్ర మకృత్రిమం దయాయాః || 20 || 

స్తువంతి యే స్తుతిభి రమూభి రన్వహం
త్రయీమయీం త్రిభువన మాతరం రమామ్ |
గుణాధికా గురుతుర భాగ్య భాజినో  

భవంతి తే భువి బుధ భావితాశయాః || 21 ||

సువర్ణధారా స్తోత్రం యచ్ఛంకరాచార్య నిర్మితం  

త్రిసంధ్యం యః పఠేన్నిత్యం స కుబేర సమో భవేత్