అచ్యుతాష్టకం

అచ్యుతాష్టకం



అచ్యుతం కేశవం రామనారాయణం
కృష్ణదామోదరం వాసుదేవం హరిమ్ |
శ్రీధరం మాధవం గోపికా వల్లభం
జానకీనాయకం రామచన్ద్రం భజే || 1 ||
అచ్యుతం కేశవం సత్యభామాధవం
మాధవం శ్రీధరం రాధికా రాధితమ్ |
ఇన్దిరామన్దిరం చేతసా సున్దరం
దేవకీనన్దనం నన్దజం సన్దధే || 2 ||
విష్ణవే జిష్ణవే శఙ్కనే చక్రిణే
రుక్మిణీ రాహిణే జానకీ జానయే |
వల్లవీ వల్లభాయార్చితా యాత్మనే
కంస విధ్వంసినే వంశినే తే నమః || 3 ||
కృష్ణ గోవిన్ద హే రామ నారాయణ
శ్రీపతే వాసుదేవాజిత శ్రీనిధే |
అచ్యుతానన్త హే మాధవాధోక్షజ
ద్వారకానాయక ద్రౌపదీరక్షక || 4 ||
రాక్షస క్షోభితః సీతయా శోభితో
దణ్డకారణ్యభూ పుణ్యతాకారణః |
లక్ష్మణోనాన్వితో వానరైః సేవితో
అగస్త్య సమ్పూజితో రాఘవః పాతు మామ్ || 5 ||
ధేనుకారిష్టకా‌உనిష్టికృద్-ద్వేషిహా
కేశిహా కంసహృద్-వంశికావాదకః |
పూతనాకోపకః సూరజాఖేలనో
బాలహోపాలకః పాతు మాం సర్వదా || 6 ||
బిద్యుదుద్-యోతవత్-ప్రస్ఫురద్-వాససం
ప్రావృడమ్-భోదవత్-ప్రోల్లసద్-విగ్రహమ్ |
వాన్యయా మాలయా శోభితోరః స్థలం
లోహితాఙ్-ఘిద్వయం వారిజాక్షం భజే || 7 ||
కుఞ్చితైః కున్తలై భ్రాజమానాననం
రత్నమౌళిం లసత్-కుణ్డలం గణ్డయోః |
హారకేయూరకం కఙ్కణ ప్రోజ్జ్వలం
కిఙ్కిణీ మఞ్జులం శ్యామలం తం భజే || 8 ||
అచ్యుతస్యాష్టకం యః పఠేదిష్టదం
ప్రేమతః ప్రత్యహం పూరుషః సస్పృహమ్ |
వృత్తతః సున్దరం కర్తృ విశ్వమ్భరః
తస్య వశ్యో హరి ర్జాయతే సత్వరమ్ ||