వచ్చెను అలమేలు మంగ
వచ్చెను అలమేలు మంగ
ఈ పచ్చల కడియాల పణతి చెలంగ
వచ్చెను అలమేలు మంగ
ఈ పచ్చల కడియాల పణతి చెలంగ
బంగారు చేదివిటీలు పూని
శృంగార వతులు వేవేలు రాగా
రంగైన వింజామరలు వీవ
మాంగల్య లీల సొంపగు జవరాలు
వచ్చెను అలమేలు మంగ
ఈ పచ్చల కడియాల పణతి చెలంగ
వచ్చెను అలమేలు మంగ
పలుకుల తేనియ లొలుక
చెంత చిలుకలు కల కల పలుక
రవల గిలుకు పావలు ముద్దు గులుక
మేటి కలికి చూపుల మొనలు తళుకని చిలుక
వచ్చెను అలమేలు మంగ
ఈ పచ్చల కడియాల పణతి చెలంగ
వచ్చెను అలమేలు మంగ
రంభాది సతులెల్ల చేరి
ఎదుట గంభీర గతులను మీరా
నటనా రంభములను మేలు కోరి
కొలువ అంభోజాక్షుడౌ వేంకటేశు నోయ్యారి
వచ్చెను అలమేలు మంగ
ఈ పచ్చల కడియాల పణతి చెలంగ
వచ్చెను అలమేలు మంగ
కామెంట్‌లు లేవు:
కామెంట్‌ను పోస్ట్ చేయండి