శివ సువర్ణమాలా స్తుతి

శివ  సువర్ణమాలా స్తుతి

అథకథమపి మద్రసనాంత్వద్గుణ లేశైర్విశోధయామి విభో
సాంబసదాశివ శంభో శంకర శరణం మే తవ చరణయుగం

ఆఖండల మదఖండన పండిత తండుప్రియ చండీశ విభో
సాంబసదాశివ శంభో శంకర శరణం మే తవ చరణయుగం

ఇభచర్మాంబర శంబర రిపు వపురపహరణోజ్వల నయన విభో
సాంబసదాశివ శంభో శంకర శరణం మే తవ చరణయుగం

ఈశ! గిరీశ! నరేశ! పరేశ! మహేశ! బిలేశయ భూషణభో
సాంబసదాశివ శంభో శంకర శరణం మే తవ చరణయుగం

ఉమయా దివ్యసుమఞ్గళ విగ్రహయాలిఞ్గిత వామాఞ్గ విభో
సాంబసదాశివ శంభో శంకర శరణం మే తవ చరణయుగం

ఊరీకురుమా మఙ్ఞమనాథం దూరీకురు మే దురితం భో
సాంబసదాశివ శంభో శంకర శరణం మే తవ చరణయుగం

ఋషివరమానస హంస చరాచర జనన స్థితి లయ కారణ భో
సాంబసదాశివ శంభో శంకర శరణం మే తవ చరణయుగం

ౠక్షాధీశ కిరీట మహోక్షారూఢ విధృత రుద్రాక్ష విభో
సాంబసదాశివ శంభో శంకర శరణం మే తవ చరణయుగం

లు్‌వర్ణద్వంద్వ మవృంత సుకుసుమమివాంఘ్రౌ తవార్పయామి విభో
సాంబసదాశివ శంభో శంకర శరణం మే తవ చరణయుగం

ఏకం సదితి శృత్యాత్వమేవ  సదసీ త్యుపాస్మహే మృడ భో
సాంబసదాశివ శంభో శంకర శరణం మే తవ చరణయుగం

ఐక్యం నిజ భక్తేభ్యో వితరసి విశ్వంభరోత్ర సాక్షీ భో
సాంబసదాశివ శంభో శంకర శరణం మే తవ చరణయుగం

ఓమితి తవ నిర్దేష్ట్రీ మాయా స్మాకం మృదోపకర్త్రీ భో
సాంబసదాశివ శంభో శంకర శరణం మే తవ చరణయుగం

ఔదాస్యం స్ఫుటయతి విషయేషు దిగంబరతా చ తవైవ విభో
సాంబసదాశివ శంభో శంకర శరణం మే తవ చరణయుగం

అంతఃకరణ విశుధ్ధిం భక్తిం చ త్వయి సతీం ప్రదేహి విభో
సాంబసదాశివ శంభో శంకర శరణం మే తవ చరణయుగం

అఃస్తోపాధి సమస్త వ్యస్తై రూపైర్జగన్మయోసి విభో
సాంబసదాశివ శంభో శంకర శరణం మే తవ చరణయుగం

కరుణా వరుణాలయ మయి దాస ఉదాసస్తవోచితో నహి భో
సాంబసదాశివ శంభో శంకర శరణం మే తవ చరణయుగం

ఖలసహవాసం విఘటయ ఘటయ సతామేవ సంగమనిశం భో
సాంబసదాశివ శంభో శంకర శరణం మే తవ చరణయుగం

గరళం జగదుపకృతయే గిలితం భవతాసమోస్తి కోత్ర విభో
సాంబసదాశివ శంభో శంకర శరణం మే తవ చరణయుగం

ఘనసార గౌరగాత్ర ప్రచుర జటాజూట భధ్ధ గంగ విభో
సాంబసదాశివ శంభో శంకర శరణం మే తవ చరణయుగం

ఙ్ఞప్తిస్సర్వ శరీరేష్వఖండితా యా విభాతి సాత్వం భో
సాంబసదాశివ శంభో శంకర శరణం మే తవ చరణయుగం

చపలం మమ హృదయ కపిం విషయేద్రుచరం దృఢం బధాన విభో
సాంబసదాశివ శంభో శంకర శరణం మే తవ చరణయుగం

ఛాయాస్థాణోరపి తవ తాపం నమతాం హరత్యహో శివభో
సాంబసదాశివ శంభో శంకర శరణం మే తవ చరణయుగం

జయ కైలాస నివాస ప్రమథగణాధీశ భూసురార్చిత భో
సాంబసదాశివ శంభో శంకర శరణం మే తవ చరణయుగం

ఝణుతక ఝంతరి ఝణుతక్కిట తక శబ్దైర్నటసి మహానట భో
సాంబసదాశివ శంభో శంకర శరణం మే తవ చరణయుగం

ఙ్ఞానం విక్షేపావృతి రహితం కురు మే గురుస్త్వమేవ విభో
సాంబసదాశివ శంభో శంకర శరణం మే తవ చరణయుగం

టంకార స్తవధనుషో దలయతి హృదయం ద్విషామశనిరివ భో
సాంబసదాశివ శంభో శంకర శరణం మే తవ చరణయుగం

ఠాకృతిరివ తవ మాయా బహిరంతశ్శూన్యరూపిణీ ఖలు భో
సాంబసదాశివ శంభో శంకర శరణం మే తవ చరణయుగం

డంబరమంబురుహామపి దలయత్యనఘం త్వదంఘ్రియుగళం భో
సాంబసదాశివ శంభో శంకర శరణం మే తవ చరణయుగం

ఢక్కాక్షసూత్ర శూల ద్రుహిణ కరోటీ సముల్లసత్కర భో
సాంబసదాశివ శంభో శంకర శరణం మే తవ చరణయుగం

ణాకార గర్భిణీ చేఛ్ఛుభదా తే శరగతిర్నృణామిహ భో
సాంబసదాశివ శంభో శంకర శరణం మే తవ చరణయుగం

తవమన్వతి సంజపతస్సద్యస్తరతి నరో హి భవాబ్ధిం భో
సాంబసదాశివ శంభో శంకర శరణం మే తవ చరణయుగం

థూత్కారస్తస్య ముఖే భూయాత్తే నామ నాస్తి యస్య విభో
సాంబసదాశివ శంభో శంకర శరణం మే తవ చరణయుగం

దయనీయశ్చ దయాళుః కోస్తి మదన్యస్త్వదన్య ఇహ వద భో
సాంబసదాశివ శంభో శంకర శరణం మే తవ చరణయుగం

ధర్మస్థాపన దక్షత్ర్యక్ష గురో దక్ష యఙ్ఞ శిక్షక భో
సాంబసదాశివ శంభో శంకర శరణం మే తవ చరణయుగం

నను తాడితోసి ధనుషా లుబ్ధధియా త్వం పురా నరేణ విభో
సాంబసదాశివ శంభో శంకర శరణం మే తవ చరణయుగం

పరిమాతుం తవ మూర్తిం నాలమజస్తత్పరాత్పరోసి విభో
సాంబసదాశివ శంభో శంకర శరణం మే తవ చరణయుగం

ఫలమిహ నృతయా జనుషస్త్వత్పదసేవా సనాతనోసి విభో
సాంబసదాశివ శంభో శంకర శరణం మే తవ చరణయుగం

బలమారోగ్యం చాయుస్త్వద్గుణరుచితాం చిరం ప్రదేహి విభో
సాంబసదాశివ శంభో శంకర శరణం మే తవ చరణయుగం

భగవాన్ భర్గ భయాపహ భూతపతే భూతి భూషితాంగ విభో
సాంబసదాశివ శంభో శంకర శరణం మే తవ చరణయుగం

మహిమా తవ న హి మాతి శృతిషు హిమానీ ధరాత్మజాధవ భో
సాంబసదాశివ శంభో శంకర శరణం మే తవ చరణయుగం

యమనియమా దిభిరంగైర్యమినో హృదయే భజంతి స త్వం భో
సాంబసదాశివ శంభో శంకర శరణం మే తవ చరణయుగం

రజ్జావహిరివ శృక్త్తౌ రజతమివ త్వయి జగంతి భాంతి విభో
సాంబసదాశివ శంభో శంకర శరణం మే తవ చరణయుగం

లబ్ధ్వా భవత్ప్రసాదాచ్చక్రం విధురవతి లోకమఖిలం భో
సాంబసదాశివ శంభో శంకర శరణం మే తవ చరణయుగం

వసుధా తధ్ధర తచ్ఛయరథ మౌర్వీశర పరాకృతాసుర భో
సాంబసదాశివ శంభో శంకర శరణం మే తవ చరణయుగం

శర్వదేవ సర్వోత్తమ సర్వద దుర్వృత్త గర్వ హరణ విభో
సాంబసదాశివ శంభో శంకర శరణం మే తవ చరణయుగం

షడ్రిపు షడూర్మి షడ్వికారహర సన్ముఖ షన్ముఖ జనక విభో
సాంబసదాశివ శంభో శంకర శరణం మే తవ చరణయుగం

సత్యం ఙ్ఞానమనంతం బ్రహ్మేత్యేతల్లక్షణ లక్షిత భో
సాంబసదాశివ శంభో శంకర శరణం మే తవ చరణయుగం

హాహాహూహూ ముఖ సుర గాయక గీతాపదానపద్య విభో
సాంబసదాశివ శంభో శంకర శరణం మే తవ చరణయుగం

ళాదిర్నహి ప్రయోగస్తదంతమిహ మఞ్గళం సదాస్తు విభో
సాంబసదాశివ శంభో శంకర శరణం మే తవ చరణయుగం

క్షణమివ దివసాన్నేష్యతి త్వత్పద సేవాక్షణోత్సుకశ్శివ భో
సాంబసదాశివ శంభో శంకర శరణం మే తవ చరణయుగం

ఇతి శ్రీమత్పరమహంస పరివ్రాజకాచార్యవర్యస్య 
శ్రీ గోవింద భగవత్పూజ్యపాద శిష్యస్య
శ్రీమఛ్ఛంకరభగవతః కృతౌ సువర్ణమాలాస్తుతిః సంపూర్ణా