కొండలలో నెలకొన్న కోనేటిరాయడు వాడు

కొండలలో నెలకొన్న కోనేటిరాయడు వాడు

కొండలలో నెలకొన్న కోనేటిరాయడు వాడు
కొండలంత వరములు గుప్పెడు వాడు
కొండలలో నెలకొన్న కోనేటిరాయడు వాడు
కొండలంత వరములు గుప్పెడు వాడు

  కుమ్మరదాసుడైన కురువరతి నంబి
ఇమ్మన్న వరములెల్ల నిచ్చిన వాడు
దొమ్ములు సేసినయట్టి తొండమాన్ చక్రవర్తి
రమ్మన్న చోటికి వచ్చి నమ్మినవాడు 

కొండలలో నెలకొన్న కోనేటిరాయడు వాడు
 
  కంచిలోననుండ దిరుకచ్చినంబి మీద
కరుణించి తనయెడకు రప్పించినవాడు
యెంచి ఎప్పుడైన వేంకటేశుడు మనలకు
మంచివాడై కరుణ పాలించినవాడు 

 కొండలలో నెలకొన్న కోనేటిరాయడు వాడు
కొండలంత వరములు గుప్పెడు వాడు