సాయిబాబా .. సాయిబాబా .. సాయిబాబా
సాయిబాబా .. సాయిబాబా .. సాయిబాబా
నిన్నుగని శరణమని సన్నుతించు వేళా
జన్మ ధన్యమవుతుంది బాబా
మా జన్మ ధన్యమవుతుంది బాబా
దాతవని తలచుకుని జోతలిడే వేళా
దైవం తలవూపుతుంది కాదా
దైవం తలవూపుతుంది కాదా
రాముడైన రహీమైన నానకైన క్రీస్తైనా
పరమాత్ముని ప్రతినిధులన్నావు
మతం పేర కులం పేర మత్సరాలు తగదంటూ
మానవతకు జోతులెత్తినావు
కటిక విషం మింగి మాకు కరుణ పంచినావు
ఇలకే అపరంజి వెలుగు నీవు
ఇలకే అపరంజి వెలుగు నీవు
ఆ.. ఆ.. ఇలకే అపరంజి వెలుగు నీవు
వ్యాధులను నివారించి బాధలను నిరోధించి
ఆర్తులకు సేదతీర్చినావు
శరణాగతులందరికీ సద్గతులను కలిగించి
సమతా మూర్తివై నిలిచినావు
భిక్ష స్వీకరించి ప్రాణభిక్ష పెట్టినావు
కదిలే కళ్యాణరాశి నీవు .. కదిలే కళ్యాణరాశి నీవు
కదిలే కళ్యాణరాశి నీవు .. కదిలే కళ్యాణరాశి నీవు
ఆదియైన అంతమైన అందని వేదాంతమైన
అంతా నీలో ఉందన్నావు
పండితులకు పామరులకు యోగులకు త్యాగులకు
భక్తిమూలమొకటే అన్నావు
సహనతరువు పండించిన శాంతిఫలం నీవు
గురువులకే సద్గురువైనావు .. గురువులకే సద్గురువైనావు
గురువులకే సద్గురువైనావు .. గురువులకే సద్గురువైనావు
నిన్నుగని శరణమని సన్నుతించు వేళా
జన్మ ధన్యమవుతుంది బాబా
మా జన్మ ధన్యమవుతుంది బాబా
జన్మ ధన్యమవుతుంది బాబా
జన్మ ధన్యమవుతుంది బాబా
మా జన్మ ధన్యమవుతుంది బాబా
కామెంట్లు లేవు:
కామెంట్ను పోస్ట్ చేయండి