అలర చంచలమైన ఆత్మలందుండ

అలర చంచలమైన ఆత్మలందుండ

అలర చంచలమైన ఆత్మలందుండ నీ
యలవాటు సేసె నె ఉయ్యాల

అలర చంచలమైన ఆత్మలందుండ నీ
యలవాటు సేసె నె ఉయ్యాల
పలుమారు ఉచ్చ్వాస పవనమందుండ నీ
భావంబు దెలిపె నీ ఉయ్యాల

ఉయ్యాల .. ఉయ్యాల .. ఉయ్యాల .. ఉయ్యాల

ఉదయాస్త శైలంబు లొనర కంభములైన
వుడుమండలము మోచె ఉయ్యాల
అదన ఆకాశపదము అడ్డదూలంబైన
అఖిలంబు నిండె నీ ఉయ్యాల

ఉయ్యాల .. ఉయ్యాల .. ఉయ్యాల .. ఉయ్యాల

పదిలముగ వేదములు బంగారు చేరువై
పట్టవెరపై తోచె నుయ్యాల
వదలకిటు ధర్మదేవత పీఠమై మిగుల
వర్ణింప నరుదాయ ఉయ్యాల

ఉయ్యాల .. ఉయ్యాల .. ఉయ్యాల .. ఉయ్యాల

మేలుకట్లయి మీకు మేఘ మండలమెల్ల
మెరుగునకు మెరుగాయె ఉయ్యాల
నీల శైలంబంటి నీ మేని కాంతికిని
నిజమైన తొడవాయె వుయ్యాల

 ఉయ్యాల .. ఉయ్యాల .. ఉయ్యాల .. ఉయ్యాల

అలర చంచలమైన ఆత్మలందుండ నీ
యలవాటు సేసె నె ఉయ్యాల
పలుమారు ఉచ్చ్వాస పవనమందుండ నీ
భావంబు దెలిపె నీ ఉయ్యాల

వుయ్యాల .. ఉయ్యాల .. ఉయ్యాల .. ఉయ్యాల